السلام عليكم ورحمة الله وبركاته
ازيكم جميعا اسما اسما
النهارده هقولكم علي حاجة غريبة جدا جت في بالي
نتيجة لاثارة موضوع القضاة السيدات
تخيلوا لو كل ست قعدت في البيت والرجالة بس هم اللي اشتغلوا
تفتكروا الوضع هيبقي شكله ايه ؟؟؟؟؟
استنوا قبل ما تهاجموني فكروا معايا ثواني
لو كل الستات تركوا العمل ايه اللي هيحصل ؟؟؟؟؟؟؟
انا شايفة ان حاجات كتير هتتغير
اولها ان المرتبات هتزيد ومش هيحتاج الرجل انه يعمل وظيفة تانية
عشان يسد احتياجات حياته
ثانيا الموظفين الرجال في المصالح الحكومية مش هيزوغوا ويسيبوا شغلهم
لان مفيش سيدات يقوموا بعملهم فيضطروا انهم يقعدوا في مكاتبهم ويشتغلوا
ثالثا هتتوفر فرص عمل كتيرة جدا وهتتحل مشكلة البطالة
رابعا مفيش راجل هيبص لزميلته في الشغل وطبعا الاختلاط اللي في العمل مش هيكون موجود
خامسا الرجل هيرجع بيته هيلاقي زوجة زي القمر مستنياه في هدوء وهي مرتاحة ومش تعبانة
والاولاد هيلاقوا رعاية ممتازة من ام متفرغة بتغرس فيهم كل شيء طيب وبتعلمهم اصول دينهم ودنياهم
سادسا الضغوط النفسية هتقل والزحمة اللي بتبقي الصبح اثناء الذهاب للعمل والعودة منه هتقل
وحاجات كتيييييييييييييييييييير هتفرق
ممكن تهاجموني وتقولولي امال احنا بنتعلم ليه ؟؟؟؟؟؟؟؟؟؟
هقولكم عشان يبقي عندنا عقل متفتح وافق واسع ونقدر نعلم اولادنا دينا علي حق
وكمان عشان الزوج يلاقي زوجة علي نفس المستوي الفكري وميعتقدش انها عشان في البيت
تبقي لغت عقلها
فكري لحظة بينك وبين نفسك تخيلي حياتك وانتي في بيتك هتبقي عاملة ازاي
هستني ارائكم وردودكم وكمان هستني تقييمكم
هنتظر منكم تفاعل عشان نعرف آراء بعض في الموضوع ده
الجمعة يونيو 07, 2019 11:49 am من طرف الغاضب
